SNYDER'S OF HANOVER 原產地:美國 屬於西方人食開果種鹹脆餅既近親"類似心型果種",可能唔岩華人口味,一般鹹脆係香港都唔流行 雖然睇個包裝唔多吸引 但係味道唔錯 佢包裝上面寫左句 "ONE TASTE AND WE THINK YOU'LL AGREE, NOBODY MAKES BAKERY PRETZELS LIKE SNYDER'S OF HANOVER" 呢隻係有調味既脆脆餅,有三隻味-青胡椒,蜜糖芥辣,車打芝士 首先,隻餅本身夠晒香脆,再加上調味做得好好, 好似蜜糖芥辣咁 唔會太甜又唔會太鹹,又間唔中食到少少芥味 但唔會有辣味 超好味 而車打芝士就好普遍既芝士味 食落有D似日本出果隻Q版芝士多士! 青胡椒就未試過 評分:80 特別推薦蜜糖味 價錢:SOGO $5.5 細包裝 $22 大包裝 
久保田 原產地:日本 外面成層朱古力粉末,入面有朱古力醬,睇黎好似十分朱古力味,但係我都俾佢既賣相呃左 價錢唔平,一包得10粒,老實講,食落同優之涼粉果隻<朱古力味草餅?>差唔多,但人地只係24蚊磅. 果層粉形同虛設,有等於沒咁制,入面D朱古力一食落就知係D CHEAP CHEAP朱古力漿,個皮就不過 不失,一般草餅都係咁嫁啦.最可取既可能就係個賣相,咁既樣既草餅 你見過未? 評分:60 其實唔係難食 只係虛有其表 同埋唔值咁既價去買黎食 價錢:SOGO $17.5 10粒裝 
BOURBON 原產地:日本 最近周圍都見到有賣 有好多隻味 呢隻唔知係咩味 只係知道有紅色 有紫色 BOURBON 既新系列:crush lumonde "enjoy the superb taste of chocolate & crepe made with the finest ingredients" 其實係一種朱古力 不過以條狀示人 加上入面有d脆脆 朱古力味唔重 偏甜 有d似白朱古力果隻味 有輕量既酒味 入面有d脆脆 果d脆脆 絕非係難食到爆既雀巢kitkat 事旦搵d威化入去就算 佢係碎得黎但有口感 評分:65 朱古力我一向都麻麻 價錢::SOGO $7.5 5小包 每小包有2條 | 
